मंगळवार, २१ जानेवारी, २०२०

गर्विष्ठा

गडे तुझा अहंकार,
जगी चिलटा एवढा.
खुमखुमी कशी तुझी,
अहंकार तो केवढा.

तू मी क्षुद्र प्राणिमात्र,
जगाच्या ह्या पसाऱ्यात.
हवे कसे तुला बाई,
सर्व तुझिया कह्यात.

गुर्मी येते ही कोठुनी,
दांभिक तुझे वागणे.
कशासाठी अट्टाहास,
काय तुझे ग मागणे.

गोष्ट ध्यानी एक ठेव,
आहे अंत प्रत्येकाला.
केला किती थयथयाट,
भेटणे आहे मातीला.

कोणत्याही टिप्पण्‍या नाहीत:

टिप्पणी पोस्ट करा

गुंफण तूझी माझी

तुझ्या माझ्या भाकरीतला, चंद्र रोजचाच आहे. निवांत वेळ काढून, कधी नभातील चंद्र बघू. तुझ्या माझ्या कमाईला, खर्च रोजचाच आहे. थोडी ढील देऊन, कधी ...