अंतिम सत्य हेच आहे,
तुझ्या माझ्यात पेच आहे.
शब्दशब्दांची ठेच आहे,
नवे नव्हे, हे तेच आहे.
काजळी मनावर दाट आहे,
आता चुकलेली वाट आहे.
प्रश्नांची मोठी लाट आहे,
का घातलेला घाट आहे?
विसंवादा फुटले तोंड आहे,
मौनास काटेरी बोंड आहे.
स्वखुशी गळ्यामध्ये धोंड आहे,
उधळले नशिबाचे खोंड आहे.
वादाला मौनाचा मंत्र आहे,
नाते टिकविण्याचे तंत्र आहे.
बेबंद मोठे षडयंत्र आहे,
दक्ष राहा हा मनमंत्र आहे.
कोणत्याही टिप्पण्‍या नाहीत:
टिप्पणी पोस्ट करा