संसार व्यापाच्या पलीकडे, वेळ द्यायला हवा.
हातात हात घेऊन बसू, गप्पा गोष्टी करत.
धावपळ दगदग असणारच, पाठोपाठ परत.
पिऊ एखादे शहाळे, दोन स्ट्रॉ टाकून.
काटकसर नाही ग, घेऊ प्रेम वाटून.
पाणीपुरी खाऊ आज, तुला आवडते तशी.
चिंच पाणी थोडे फार, पेरू शेव जराशी.
पिक्चर टाकू कुठलाही, टिपिकल धाटणीतला.
उगाच हसू पाणचट, विनोदी नटाला.
हिरॉईनच्या डोळ्यात येता थोडे पाणी.
असाच टाकू उसासा, ऐकत तिची विराणी.
संत व्हॅलेंटाईनबाबाचा, करू थोडा जागर.
अध्यात्माच्या पलीकडे, शोधला प्रेमाचा सागर.
प्रेम दिनी त्या बाबाला, साकडे घालतो सये.
तुझ्या माझ्या प्रेमाला, नजर लागू नये.
